Hugleiðingar Hafdísar

18.3.04

Mig dreymir eitthvað voða mikið þessa dagana og það ótrúlega er að ég man það allt saman. Í nótt dreymdi mig til að mynda nokkra drauma - einn var frekar leiðinlegur þar sem ég grét mikið en í öðrum hitti ég engan annan en David Beckham.
Beckham var í heimsókn hjá nágranna mínum á Vopnafirði, í húsinu beint á móti því sem ég bjó í. Hann var þar sem konunni sinni sem var reyndar ekki Fína kryddið að þessu sinni heldur önnur hugguleg, dökkhærð, grönn kona. Dóttir þeirra var líka með í för en einhverra hluta vegna var hún þroskaheft og læknir var með þeim allan tímann - einhver vinkona þeirra. Ég man greinilega að Beckham gaf mér súkkulaði sem var sérlega lostætt og að ég talaði eitthvað við þau og komst að því að dóttir þeirra hafði ýmsa kæki. Það mátti ekkert vera á hillunni við hliðina á eldhúsborðinu þegar hún borðaði og annað skemmtilegt.

Hver segir svo að mann dreymi bara eitthvað bull?

Hafdís skrifaði klukkan 10:42 f.h. |

Comments: Skrifa ummæli